Ortodonci është fusha e veçantë e stomatologjisë që korrigjon dhëmbët dhe problemet e shtrirjes së nofullës. Ajo merret me drejtimin ose lëvizjen e dhëmbëve duke përmirësuar estetiken dhe funksionin e dhëmbëve tuaj. Nëpërmjet trajtimit ortodontik bëhet i mundur edhe drejtimi i dhëmbëve, për të përmirësuar pamjen estetike të tyre, por edhe për të lehtësuar mbajtjen e higjenës dentare, e cila është më e vështirë të mbahet kur dhëmbët janë të shtrembër. Ky trajtim mund të fillohet që në fëmijëri, por është mirë që të pritet dalja e sa më shumë dhëmbëve përpara vendosjes. Ndërsa kohët e fundit ka gjithnjë e më shumë edhe të rritur të cilët i drejtohen këtij trajtimi.
